Positionsanzeige:

Bezirk Freistadt


Aktuelles

Wia is aus Weihnachtn Müllnachtn wordn?

05.12.2017 -

Es geht scho im November los, des Angebot is riesengroß,

Tonnen Prospekt‘ da Postler bringt, sei Kreiz a Liadl davon singt.

Am Keks geht oan de Werbung schia und laundt oft glei ban Altpapier.

D´ ASZ´ler du net quöst, waunst dei Werbung abbestöst.

 

 

 

Im Dezember is es daun so weit, ´s Geschenk besorgn,
des braucht sei Zeit,

doh in de Gschäfta hoit‘s neamd aus,
da Müll aus de Boxn is a Graus.

Waun ma 50 mal „Last Christmas“ heart,
liegt d‘ Psyche terrisch auf da Erd,

d‘ Berieselung is Folter pur, wü aus de Gschäfta aussi nur.

Drum sollst de Einkaufstempeln meidn,
kaunst kloane Gschäfta bessa leidn.

D‘ Bescherung trett des Gscher erscht los,
d‘ Geschenke kloa – d‘ Vapackung groß,

es soi da Müllberg wieda raus,
mit 1x fahrn kimmst da net aus.

De ASZ- Containa gehngan üba,
de Arbeita sehgn nimma drüba,

nimmst Stoff und Zeitung zan vapacka,
schafft des da Müllcontainer locka.

So kunnt aus Müllnachtn gaunz gern,
boid wieda unsa Weihnacht‘ wern,

beachst de Sachn ohne Zorn,
geht Weihnachtn net gaunz valorn!

 (O. Affenzeller)

 

Das Team des BAV-Freistadt wünscht Frohe Weihnachten 

viel Freude im Jahr 2018!

 

 

 

 

 

 


Kontakt: